-
- Gunnar Jóhannsson, grafískur hönnuður, hefur
gert merki Kirkjugarðssambands Íslands (KGSÍ).
- Þegar ráðið er í táknmál
merkisins er ljóst að uppistaðan er fjögur krónublöð.
Þau má túlka sem tákn landsfjórðunganna
og mynda blöðin samhverfan negatífan kross á milli
sín. Krónublöðin tengjast síðan upphafsstöfum
KGSÍ með tveimur línum og mynda stafirnir og línurnar
stöngul og blöð blóms.
- Eins má benda á það að krónublöðin
eru ekki ósvipuð fiðrildavængjum. Sem kunnugt er þá
skríður fiðrildið alskapað og fagurt úr fiðrildapúpu
og er um leið táknmynd fyrir umbreytingu og framhaldslíf.
- Merki Kirkjugarðasambandsins er í tveimur bláum litum,
sá dekkri fyrir neðan er tákn dauðans en hinn ljósari
að ofan tákn lífsins.
|