Útgáfa bálfararbæklings

 

Kirkjugarðar Reykjavíkurprófastsdæma hafa nýlega gefið út upplýsingarit um bálfarir og líkbrennslu. Rit þetta er gefið út til þess að fræða almenning um bálfarir og líkbrennslu og skapa þannig raunhæfar forsendur fyrir einstaklinga til að velja, hvort útför þeirra verði bálför eða jarðarför segir í formála, er forstjóri Kirkjugarðanna, Þórsteinn Ragnarsson, ritar. Enn fremur segir í formála ritsins: Það er því löngu tímabært að gefa út rit sem þetta og vonast er til að efni þess gefi lesandanum hlutlausa mynd af þeim útfararsið, sem færst hefur í vöxt hér á landi allt frá stofnun Bálstofunnar árið 1948. Umsjón og ritstjórn annaðist Einar Karl Haraldsson og Sigurjón Jónasson, rekstrarstjóri KGRP, sá um útlitshönnun. Ritinu verður dreift um all land og verður dreifingin í umsjón prófasta landsins.