Næsti aðalfundur í Vestmannaeyjum
Næsti aðafundur Kirkjugarðasambands Íslands verður haldinn í Vestmannaeyjum, dagana 12. og 13. júní næstkomandi. Í KGSÍ eru nú 39 kirkjugarðar sem samtals fá yfir 90% af kirkjugarðsgjöldum á land-inu. Sambandið hefur náð að festa rætur og nær nú til allra landshluta, eftir að rúm 3 ár eru liðin frá stofnun þess. Í tengslum við aðalfundinn mun fyrirtækið Hvellur ehf. setja upp tækja- og áhaldasýningu og er sýningin sérstaklega sniðin fyrir garðyrkju. Sérstök dagskrá verður útbúin fyrir maka fundarmanna og verður eflaust skemmtilegt að fara um eyjarnar í fylgd heimamanna.

Fjölbreytt dagskrá verður á fundinum:

Fjármál kirkjugarða:
Þórsteinn Ragnarsson, formaður KGSÍ, gerir grein fyrir störfum eftirlitsnefndar, sem skipuð var af kirkjumálaráðherra í janúar 1998 og hefur það hlutverk að fylgjast með afkomu kirkjugarða, eftir lagabreytingu í desember 1997 sem hafði 4,3% aukahækkun kirkjugarðsgjalds í för með sér.

Umhirða kirkjugarða:
Smári Sigurðsson, forstöðumaður Kirkjugarða Akureyrar, heldur fyrirlestur um hirðu kirkjugarða.

Kynning á Kirkjugarðasjóði: Guðmundur Rafn Sigurðsson, framkv.stj. Skipulagsnefndar kirkjugarða, mun segja frá starfsemi sjóðsins og gera grein fyrir úthlutunum úr honum sl. 10 ár.

Samnýting tölvuhugbúnaðar:
Með tilkomu veraldarvefsins hafa möguleikar á samnýtingu hugbúnaðarkerfa aukist gríðarlega fyrir starfsemi, sem er landfræðilega dreifð. Aðgangur að miðlægum gagnagrunnum er nú einfald-ur fyrir alla kirkjugarða. Minni garðar þurfa einungis tölvu og símatengingu við gagnagrunninn. Þórsteinn Ragnarsson, forstjóri Kirkjugarða Reykjavíkurprófasts-dæma, gerir grein fyrir skýrslu um upp-lýsingatækni, sem unnin var fyrir KGRP.

Málefni útfararþjónustunnar:
Stjórn KGSÍ mun leggja til að 3. gr. laga KGSÍ verði breytt þannig að í stað síðustu setningar sem hljóðar þannig: „Hver stofnun fer með 1 atkvæði á fundum sam-bandsins" stæði: „Hver stofnun fer með 1 atkvæði á fundum sambandsins, aukaaðilar hafa ekki atkvæðisrétt." Ef lagabreytingin nær fram að ganga mun stjórnin leggja til að aðalfundur samþykki að gefa aðilum í útfararþjónustu kost á aukaaðild að KGSÍ.

Endurskoðun laga um kirkjugarða og samræming reglna um kirkjugarða:
Skipa þarf nefnd innan KGSÍ með það hlutverk að fara yfir lög og reglugerðir með tilliti til þess að strika út úrelt ákvæði og bæta inn nauðsynlegum ákvæðum, ásamt því að samræma reglur um kirkjugarða, þar sem það á við. Þeir fulltrúar kirkjugarða, innan KGSÍ, sem ætla að sækja aðalfundinn, eru vin-samlega beðnir að hafa samband við Sigurjón Jónasson, rekstrarstjóra KGRP, eða starfsfólk á skrifstofu KGRP, í síma: 585-2700 fyrir 1. maí n.k., svo hægt verði að ganga frá hótelpöntunum (til einnar eða tveggja nótta) og skipulagi varðandi mat, með nauðsynlegum fyrirvara. Fundarmenn sjá sjálfir um ferðir til og frá fundarstað.